 |
 |
„kumm haam in mei gossn“ | |||||
| Dialektgedichte | |||||||
| 2000: Wien, Bibliothek der Provinz | |||||||
| € 15,00 | |||||||
is a woschechta weana:
waas da deife wia laung sa si scho draat
oiweu im kraas - gaunz laungsaum
imma schee bomali nua net hudln
weu do schaut niks gscheits ausse
obwoi sa si draat wiara aundas radl
rent nua im kraas wia bledsinich
s risnradl drunt im broda
is a woschechta weana
de muada sogt hakkfleisch
maunches moi sogt da foda
zum faschiatn hakkfleisch
und de muada
falaungt schtott an hakkfleisch
a faschiates
daun sogn olle zwaa:
unsa kind soi a
heimat hobn
wean a poa wiaschtln
dia eaklean jezt muast du
si fateidign dei heimat
und se mochn aus dia a
fleischlabal oda an hakkbratn
weust net waast bist a
frankfurter oda a wiener
glebt ois lippizana
gschtuam ois hofrot
